فى مصر تنفيذ مشروع خط قطار يربط القاهرة بالعاشر من رمضان بمدينة بلبيس بمحافظة الشرقية.

هى: خير اللهم أجعله خير.. الكلام ده سمعناه بدل المرة ألف.. عادى اتعودنا على الكلام.. كلام وخلاص!

هو: لأ المرة دى جد وزارة النقل أكدت أن دراسة تنفيذ المشروع حتنتهى خلال ثلاثة أشهر وحيتم طرح المشروع للتنفيذ بنظام «pot» لإنهاء متاعب ملايين من العاملين بمناطق العاشر فى تنقلاتهم اليومية من القاهرة أو بلبيس وصولاً إلى أماكن عملهم وتوفير الوقود وأربع ساعات يومياً مع رحلة المعاناة.

هي: يا أخى كلامك حلو.. لكن الواقع مر.. واقع أسود من قرن الخروب.. كل كلامك عسل.. آه والله.. عايزينه يكمل ويبقى عسل أبيض مش عسل أسود ومنيل!

هو: لأ إن شاء الله عسل أبيض.. عايز أقولك كمان!

هى: من غير متقول كلامك جميل المشروع ده حينقذ مدن القاهرة والسلام والعبور والشروق وبدر والروبيكى.

هو: حيخدم 70 ألف مواطن يومياً فى الوصلة من القاهرة حتى العاشر بما يوازى 52 مليون مواطن سنوياً وحيخدم فى المسافة من العاشر حتى بلبيس 74 ألف مواطن بما يوازى 27 مليون مواطن سنوياً معظمهم من العاملين فى العاشر ويعيشون فى القاهرة وبلبيس.

هى: بس عايزة أقولك.. إن الموضوع ده كان من خمس سنين بيتكلموا فيه ولا حياة لمن تنادي!

هو: كلامك صح والتأخير رفع سعر وتكلفة الإنشاء إلى 5 مليارات جنيه بدلاً من مليارين منذ خمس سنوات.

الخط الجديد حيمتد لمسافة 100 كيلومتر وتمويله جاهز وطرحه بعد ثلاثة أشهر.

هي: إن شاء الله بعد ثلاثة أشهر.. حتقابلنى فين؟

هو: بإذن الله أقابلك عند كوبري العاشر.

هي: يا خوفى أروح أستناك هناك.. يسرقوا منى العربية!