مصر تسعى لحل الأزمة السورية

هي: يا عمنا سيبو مصر فى حالها.. مش لما تعرف تحل أزمتها الأول! تبقى تفكر تحل أزمة سوريا!! احنا برضه مش حنبطل كلام على الفاضى والمليان.

هو: مصر قلب الأمة العربية.. مصر مهما كانت مشاكلها.. حتفضل مهمومة بمشاكل الأمة العربية.

هى: يا عمنا وحياة أبوك اقعد ساكت انت كده بتفتكرنى بأغانى عبدالحليم فى الستينيات وفى النهاية اخذنا قلم فى 67.

هو: اخذنا قلم فى 67 لكن ردناه عشرة فى 6 أكتوبر.

هي: وحياة أبوك يا شيخ بلاش نفتح فى الكلام ده.. خليك حلو وقوللى عندك ايه تقوله.

هي: اليومين الجايين فيه اجتماعات فى القاهرة ونشاطات فى إطار المبادرة المصرية لحل الأزمة السورية.

من خلال حل تفاوضى يحقق أهداف الشعب السورى وهناك اتصالات بين القاهرة وكل الأطراف المعنية بالأزمة بما فيها واشنطن وموسكو .

هي: ادعى معايا العلاقات بين مصر والامارات ترجع تاني!!

هو: حد قال لحضرتك ان العلاقات فيها حاجة؟

هي: الأخ معانا.. قاعد معانا.. حاسس بينا.. شايف اللى بيحصل شكلك عايش فى كوكب تاني!!

هو: شوفى عايز أقولك حاجة العرب اخوات..كل العرب اخوات.. نزعل ناخد على خاطرنا علاقة استراتيجية وعشان أريحك أكتر... فيه انفراجة قريبة بين مصر والامارات.

هي: قول يارب.. وبينى وبينك.. الحال مايطمنش والقيامة لو قامت يبقى ربنا ريح الكل!!

هو: ربنا يريحنا ويريح اللى فى بالنا!!!!