تابعونا عبر شبكات التواصل الإجتماعى

حديث السوق

احمد عاصم

10-03-2013

هي: احنا عندنا كام منطقة عشوائية فى مصر

هو: عندنا 420 منطقة عشوائية تم تطوير منطقة ويتم الآن تطوير 17 منطقة

هى: فيه محافظات فى مصر بتعانى من العشوائيات وده كله من أساسه سوء تخطيط عانت منه مصر ومازالت تعانى

هو: صندوق تطوير العشوائيات برئاسة مجلس الوزراء المحدد 202 مليون جنيه فى الفترة اللى فاتت لتطوير 8 مناطق عشوائية فى ست محافظات منها الفيوم وبورسعيد والسويس والبحيرة

هى: محتاجة وجود ضمانات لعدم خروج أى مناطق عشوائية ثانية.. مصر مش ناقصة وبالنسبة للمناطق العشوائية يا ريت تكون البداية بالمهم فالأهم يعنى يكون فيه أولويات

هو: عندك حق عشان كده الدويقة فى القاهرة ومنطقة المقطم فى الأولويات والمناطق المطلة على أشرطة السكة الحديد

هى: والناس اللى ساكنة فى العشش والصفيح بدون صرف صحى ولا أى حاجة دول برضه مش فى الأولويات

هو: لو اتكلمنا فى الموضوع ده.. حنتكلم كتير لكن أن عندى احساس أن الحكومة المصرية واخدة الكلام جد وفعلاً فيه اجراءات بتتخذ ده غير أن الدكتور هشام قنديل أعلن أن الحكومة نجحت فى توفير فرص للعمل وتثبيت 400 ألف عمل مؤقت بالحكومة.

وأكد تطوير المناطق العشوائية غير الآمنة بالمحافظات فى ضوء الاعتماد المالى الذى أقره رئيس الجمهورية بقيمة 600 مليون جنيه لتنمية هذه المناطق

هى: على الاستثمارات فيه جديد

هو: أيوه فيه.. جديد!!

هي: دى نكتة دي؟

هو: لا شىء نكتة.. فيه مصنع للحديد حيقام فى الاسكندرية وآخر لانتاج الورق باستثمارات تتجاوز المليار دولار.. مصنع الحديد الجديد سيعمل بالتكنولوجيا الحديثة التى توفر 70٪ من الطاقة مقارنة بمصانع الحديد الأخرى.. المصنع حبسهم بشكل مباشر فى خفض أسعار الحديد داخل السوق المحلى إلى جانب استيعابه لعدد كثيف من العمالة وقريباً عمليات الإنشاء على بركة فى الله

هى: والله العظيم نفسنا البلد تفوق وترجع لأن لو مصر رجعت.. كل حاجة حتبقى صح

هو: كل شىء ممكن.. ولكن!! نلتقى بعد الفاصل

مقالات احمد عاصم

المزيد

أراء

إستطلاع رأي

هل تري ان مشروع قانون "ساحات الانتظار" المقدم من البرلمان سيقضي علي الفوضي في الشارع؟

النشرة البريدية

إدخل بريدك الإلكترونى لتصلك أخر الأخبار الإقتصادية المصرية و العربية