تابعونا عبر شبكات التواصل الإجتماعى

حديث السوق

احمد عاصم

24-03-2013

خبراء ومتخصصون يؤكدون: مصر قادرة على الخروج من النفق المظلم.. من الممكن تحقيق الاكتفاء الذاتى فى كثير من المجالات دون الحاجة إلى مساعدات خارجية.

هى: إيه الكلام الكبير ده.. حنرجع نتكلم تانى ونقول أى كلام فى أى كلام.

هو: لا دى حقيقة أكدها الأستاذ الدكتور علاء رزق خبير الاقتصاد الاستراتيجي.

هى: كلام حلو.. بس مش أوى كده!

هو: كلام الدكتور مبنى على دراسات وأبحاث وحقائق، وهو صاحب فكرة ضرورة انشاء جسر برى يربط السعودية بمصر وبالتجديد منطقة تبوك بالسعودية والربط مع شرم الشيخ بما له انعكاس ايجابى على البلدين وتنمية سيناء وزراعة مليون فدان ورواج السياحة العربية.. الحكومة المصرية الآن بصدد اتخاذ اجراءات تنفيذية لفتح أبواب الخير أمام المواطن العربى السعودى والمصري.

هى : كلام.. شبعنا كلام.. لو شفنا تنفيذ ابقى قابلني! والدكتور علاء رزق قال إيه كمان؟!

هو: أكد ضرورة ربط السودان بمصر من خلال خط سكة حديد برى حيخرج للنور قريباً.. فقط مطلوب السرعة فى اتخاذ اجراءات للبدء فى انشاء سكة حديد تربط مصر بالسودان.

وده بدوره حينعكس على التجارة المصرية - السودانية.

هي: عايزة أقولك حاجة.. انت عندك حق انت تعرف أن المصريين كلهم قاعدين على 5٪ فقط من مساحة بلدهم و95٪ من مساحة مصر غير مستغلة؟!

هو: عشان كده.. التجربة التركية لابد من الاستفادة منها فقد استفادت تركيا من كل المساحة وفى اطار تنظيمى مثالى إيجابى تصدت لكل مشاكلها.. عندك مثلاً فى مصر الوادى الجديد يستحوذ على 64٪ من مساحة مصر و100 الف نسمة وأراضٍ غير مستغلة.

هي: يا عم دى أرض كلها اتفاقيات دولية..تجبر دول الحرب العالمية الثانية على ازالتها.. يكون فيه حوار.. حركة فى النهاية مصر هى المستفيدة وزراعة الأراضى فى الوادى الجديد خير لمصر.. فهى صالحة لزراعة القمح من خلاله ممكن مصر تعود للريادة.

هي: ريادة إيه يا عم..انت فاكر إن الدول الكبرى حترضى بكده؟! الدول دى عايزة مصر دايماً فى حاجة إليها.. وشايفة مصر كفاية عليها أوي.. تمص قصب!

مقالات احمد عاصم

المزيد

أراء

إستطلاع رأي

هل تري ان مشروع قانون "ساحات الانتظار" المقدم من البرلمان سيقضي علي الفوضي في الشارع؟

النشرة البريدية

إدخل بريدك الإلكترونى لتصلك أخر الأخبار الإقتصادية المصرية و العربية